الرئيسية > أخبار عيش كورة > هالة المحمدى : قريبة من تحقيق حلم الإحتراف ، لن أنسى دور والدى ، الكرة النسائية مظلومة

هالة المحمدى : قريبة من تحقيق حلم الإحتراف ، لن أنسى دور والدى ، الكرة النسائية مظلومة

فى حوار خاص لـ ” عيش كورة ” هالة المحمدى صانع العاب سماد طلخا والأمير و الطيران السابق  وكفر سعد الحالى ، تتحدث عن سر لعبها كرة القدم ، حقيقة احترافها ، دور والدها فى حوار مميز ، وإليكم الحوار :

كلمينا عن بدايات هالة المحمدى فى الكرة ؟

_ أنا بدأت العب من سن صغير مع اصحابى وبعد كدة لعبت لنادى سماد طلخا،  وبعدين نادى الطيران وبعدين نادى الامير ، وأخيراً نادى كفر سعد .

 

عرفنا ان فى عرض احتراف خارجى لهالة المحمدى ؟

_ أنا حالياً لاعبة بنادى كفر سعد و هذا آخر موسم مع النادى و أنا أسعى من الموسم الماضى لأحتراف لأن طموحى فى كرة القدم الإحتراف و الحمد لله فى الأيام القادمة ستكون بداية خطوات الإحتراف بالنسبة لى .

هل يوجد عرض إحتراف رسمى لهالة المحمدى ؟

 

_ بالفعل هناك عروض رسمية و لكن النادى رفض و لكنى كما قلت اتمنى الاحتراف

 

مين ساعدك تاخدى قرار أنك تلعبى كرة القدم ؟

 

_ أبويا اللي كان واقف جنبي دائما على طول و مشجعنى على اللعبة علشان انا كنت بحب اللعبة هو حبها ع الحب بتاعي و ساعدنى كتير و اتمنى ربنا يوفقنى و بإذن الله هحقق كل طموحى .

 

رأيك فى لعبة الكرة النسائية فى مصر ، وهل واخدة حقها اعلامياً ؟

 

_ للأسف لا طبعا مش واخده حقها خالص إعلامياً و لازم يكون فيه تطوير فى الفكر بالنسبة للكرة النسائية في مصر .

نصايحك لأى بنت حابة تلعب كرة نسائية ومترددة ؟

 

_ أتمنى من أى بنت أنها لا تتردد فى ممارسة الرياضة المفضلة لها لأنها في الأساس تربطها حب لتلك الرياضة .

 

ايه ابرز المعوقات اللى بتقابل البنت اللى تفكر تلعب كرة ؟

 

_ الآراء بتختلف من شخص لآخر و لاكن كما تحدثت لابد من تطوير الفكر بالنسبة للكرة النسائية حتى تكون لعبة منتشرة .

تحبى توجهى الشكر لمين ؟

 

_ اكيد احب اوجه الشكر أولا لأول شخص وقف جنبي والدى وبعد كده أحمد عبد العظيم و محمد حنفي .

 

المدربين اللى اتعلمتى منهم و أضافت لهالة المحمدى ؟

 

_ كابتن محمد الحنفي ومحمود محي .

 

أفضل مهاجم لعبت معها ؟

_ أوشة فى لاعبة الطيران  .

 

مثلك الأعلى ؟

_محمد أبو تريكة .

 

 

 

رابط مختصر: