الرئيسية > عيش مصري > دوري الدرجة الثالثة المصري > عماد حماد : محمد صلاح مثلى الأعلى ، أتمنى الإحتراف واللعب لمنتخب مصر، جمهور كوم حمادة دايما فى ضهرى

عماد حماد : محمد صلاح مثلى الأعلى ، أتمنى الإحتراف واللعب لمنتخب مصر، جمهور كوم حمادة دايما فى ضهرى

حوار : محمد مصطفى

قى حوار خاص لموقع ” عيش كورة ” مع اللاعب المتألق عماد حماد لاعب شباب كوم حمادة وهداف المجموعة الثانية عشر برصيد 17 هدف ، والذى تم إختياره للمشاركة فى مباراة قمة التالتة ، يفتح لنا قلبه وإليكم الحوار :

كلمنا عن بدايات عماد حماد فى الكرة ؟

_ انا ناشئين كوم حمادة فى سن 15 سنة ، وتم تصعيدى للفريق الأول وانا 16 سنة عن طريق كابتن أشرف خضر ، وكان الفريق وقتها فى الممتاز ب .

أسباب هبوط كوم حمادة من الممتاز ب من وجهة نظرك؟

_ قلة الإمكانيات .


سبب كافي للهبوط رغم الجماهيرية الكبيرة للنادى؟ ؟

_ طبعا قلة الإمكانيات العامل الأساسى للفريق نادى شباب كوم حمادة اقل امكانيات ممكن تشوفها ،كوم حمادة لديها قاعدة جماهيرية كبيرة جداً ساعدت الفريق فى اوقات كتير بس فى الأول والأخر الإمكانيات المادية هى الاساس .

هذا الموسم تألق كبير لكوم حمادة صدارة الترتيب والاقرب للصعود ، وفجأة تراجع كبير في النتائج تفسيرك؟!

_ أولا ًمن أحسن المواسم للفريق السنةدى ، ثانياً قلة الخبرة فرقت معانا احنا فى الفريق مكنش معانا غير ٤ لاعبين كبار والباقى من ناشئين النادى قلة الخبرة لدى اللاعبين الناشئين هى العامل الأساسى ، ويتحسب للكابتن محمد علوش الإنجاز اللى عمله للنادى بتكوين قوام للفريق للسنين القادمة من ناشئين النادى .

شايف المنافسة كانت ازاى ، ورأيك فى المجموعة ؟

_ منافسة كانت قوية بين الأربع فرق بيلا وبلطيم وحوش عيسى وكوم حماده رأيى المجموعة ١٢ أصعب مجموعة فى الدرجة الثالثة .

هل بيلا استحق الصعود ، وشايفه قادر على الصعود من الترقى ؟

_ طبعاً يستحق الصعود لديهم كل الإمكانيات الكافية ، رأيى بيلا أول الصاعدين فى دورى الترقى الى الممتاز ب لديهم قاعدة جماهيرية غير عادية بمثلهم بجماهير بروسيا دورتموند.


تألق لعماد حماد واحتلال صدارة هدافي المجموعة ، رأيك في الموسم وتقييمك الشخصي؟ !

_ أولاً توفيق ربنا الحمدلله ، وثانياً اكيد الإلتزام الجيد بالتدريب وتنفيذ تعليمات الجهاز الفني والحمدلله بحاول على كل كورة تتاح ليا ، إني أسجل منها في أي وقت مناسب ، ثالثاً من أحسن المواسم ليا فى مسيرتى الكروية .


ايه سر لقب بركوتة ؟

_ لعبى نفس لعب كابتن محمد بركات نجم النادى الأهلى فاطلقوا بركات ، الذى اطلق عليا هذا الاسم كابتن أيمن مجدى المدير الفنى الحالى لمالية كفر الزيات .

إرتباط اسم عماد حماد بأكثر من نادى بالدورى الممتاز ؟

_ فى عروض كتير الفترة اللى فاتت من الدورى الممتاز من اندية كبيرة جداً .

رسالتك لجمهور كوم حمادة؟

_ جمهور كوم حمادة اخواتي وحبايبي ودايماً فى ضهري طول الوقت ، محتاجكم جنبي جداً الفترة الجاية يابلدي شكراً لمساندتكم ليا خلال مسيرتى فى النادى .

طموحات عماد حماد الشخصية؟ !

_ والله أكيد الطموح الأول لأي لاعيب هو الشرف الكبير منتخب مصر، لكن لازم امر الأول بمرحلة الدوري الممتاز ، فا دي ان شاء الله الحاجة اللى بفكر فيها واتمناها وهشتغل عليها بإستماتة الفترة الجاية .

مثلك الأعلى محلياً وعالمياً ؟

_ قطعاً وبدون أي شك العالمي ابو مكة ودا لازم يكون طريق اي لاعب عاوز يوصل لحلمه ويحقق هدفه ، وأنا قبل اي ماتش مهم ليا بحب اتفرج على صلاح وتحركاته والروح اللى عنده هي اللى بتديني الدفعة القوية .

مشاهدة محمد صلاح أفادت عماد حماد ؟

_ طبعاً افادتنى جداً لأنه مثلى الأعلى وبدعى الله أن اكون مثل محمد صلاح .

أغلى هدف لعماد حماد هذا الموسم؟

_ هدفى فى مرمى بيلا فى مباراة الدور الأول فى الدقيقة 95 هدف المباراة الوحيد .

أفضل مدافع واجهته؟ !


_ امير المشرفى مدافع بيلا .

رأيك في مباراة قمة التالتة ، ومشاركتك في المباراة؟!

_ مباراة قويه جداً وتنظيم فوق الرائع من اللجنة المنظمة.

لو قولنا وجه رسالة شكر أو عتاب أو نصيحة هتكون لمين ؟

_ اولاً بشكر الله عز وجل ثانياً بشكر كابتن محمد علوش على مساندته ليا خلال هذا الموسم.





رابط مختصر: